Die GROOT reën kom ‘glo’ na more…

Die hoop van reën in die wolke. Foto: Bertus de Bruyn

Die staaltjie loop mos so. Die groot reën kom na of op 10 Oktober.

Die ou Krugerdag!

Letaba Herald het by David Grobelaar, of beter bekend onder ons almal as ‘oom David, gaan kers opsteek.

Oom David, groot gees hier in ons geweste.

Gerespekteerde man met ‘n wye kennis oor Volkekunde.

‘Nee, dié sal ek nou nie vir jou kan sê of dit die waarheid is nie. Dit is maar net 10 Oktober. Die dag van Paul Kruger se verjaarsdag. Maar jy sien, kyk maar om jou rond. Die knoppiesdoringboom staan in blom. Al die grasvelde is groen. Dan kan mens mos ook nie anders om te dink aan die gedig ‘Oktobermaand’ nie,’ vertel oom David.

Sonder huiwerring begin hy dan ook, so sonder boek, ‘n strofe voordra:

“Dit is die maand Oktober,
die mooiste, mooiste maand:
Dan is die dag so helder,
so groen is elke aand,
So blou en sonder wolke
die hemel heerlik bo,
So blomtuin-vol van kleure
die asvaal ou Karoo.”

Daar is baie staaltjies en gelowe waarin mense glo oor wanneer dit nou eintlik gaan reën.

Lees: Elke ‘Deadline’ wag vir dié ‘Magic-water’ in SA

My ouma, en baie ander, glo as die suid-ooster haar draaie in die Kaap begin gooi, kan jy maar weet, die reën kom.

‘n Ou tannie vertel my anderdag, so terloops in ‘n winkel, ‘Jy weet kinta, as die suikermiere soos seekoeie onderstebo lê in my suikerpot, dan maak ons reg vir groot waters.’

Ander glo dat as die duisendpoot sy verskyning maak, en muur opwurm, dan kan jy glo ook maar weet die Hemel se  sluise gaan glo oopmaak.

En so loop die ‘gelowe’ en daaraan hou ons maar net vas, as bygelowe.

Ek is nie ‘n weerkenner nie.

Kan wel met trots sê, het Aardrykskunde destyds goed deurgekom.

Meneer Chris Loubcher het mooi geleer van koue en warmfronte, aanlandige vloei, hoë en laedrukke.

Hoe om weer te voorspel.

Maar ‘n voorspelling bly net dit.

‘n Voorspelling..

Ek het al gewonder of ‘oom weeraanbieder’ elke aand skuins na 19:00 tydens die nuusbulletin besef hoeveel oë op hom gerig is.

Dat duisende boere na hom kyk soos ‘n soort van ‘Dissipel’ wat die goeie ‘tyding’ bring.

Hoeveel in stilte aandagtig staar met die hoop dat die voorspelling ‘n verligting op kaart het.

Aan die eenkant van die aarde woed siklone en tifone. Aan die ander kant verdor die aarde en kraak dit soos legkaartstukke.

Dor.

Die wind waai soms belowend, dat die haan se staalkuif hom op die kerktoring laat tol, Noord-Oos-Suid en Wes in een beweging om en om en dan weer terug.

Dan kyk almal maar in die rigting van die horison, is daar dalk ‘n wolkie, iewers wat opsteek.

Terloops, ek onthou ook van wolke.

Meneer Loubcher het geleer van Cirrus wolke.

Ouma het geglo dat as die ‘perdesterte’, soos sy dit genoem het hulle verskyning maak, dan kom die reën.

Maar ons wag vir die Cumuluswolke. Stapelwolke.

Dit is nou daardie wat bokant ons versamel en ontwikkel in die loop van die dag dikwels tot donderwolke. 

Cumulonimbuswolke.

(Onhou goed nê?)

‘Namate die vogtige lug saampak, bereik die wolke ’n atmosferiese vlak waar hulle uitsprei en ’n kenmerkende aambeeld-vorm aanneem. Dan bars hulle in reën uit.,’ so onthou ek dit.

Of dit nou 10 Oktober, perdesterte in die lug, duisendpote of miere is.

Die hoop vergaan nie, en geloof staan sterk.

Die reën sal kom. Op sy tyd. Soos beplan en beskik.

Dié ‘voorspelling’ is net nie in ons hande nie.

 

 

 

  AUTHOR
Bertus de Bruyn
Journalist / News Editor

Latest News

COMMENTS

Top

Thanks for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Letaba Herald


Get regular news updates sent directly to your inbox.

Your source of local breaking news and trending stories from across the country.

Be a part of our growing community

1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites
CLICK HERETo view an example of our newsletter

SUBSCRIBE to our FREE newsletter

SELECT your titles:

Letaba Herald

Get regular news updates sent directly to you inbox.

Your source of local breaking news and trending stories from across the country.

Be a part of our growing community

Subscribe Here
1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites
Your details:


Your friends: